Համերգ

Վըտակը ժայռից ներքև է թըռչում,
Թափ առած ընկնում քարերի գըլխին,
Զարկում ավազին, շաչում է, ճըչում,
Ճըչում անհանգիստ, փըրփուրը բերնին։

Ինչպես ծերունին, ձենով պառաված,
Ձայնակցում է ժիր թոռնիկի երգին,
Այնպես է ծերուկ անտառը կամաց
Արձագանք տալի ջըրի աղմուկին։

Այնինչ բընության զըվարթ համերգի

Ունկընդիրն անխոս ու հավերժական,
Ժայռը մտախոհ՝ իր մըռայլ մըտքի
Ետևից ընկած լըսում է նըրան։

1. Կարդա՛ բանաստեղծությունը, դուրս գրի՛ր անծանոթ բառերը և բառարանի օգնությամբ բացատրի՛ր:

վտակ-առվակ, առու, գետակ

ժիր-ուրախ, աշխույժ, կայտառ

ունկնդիր-լսող

հավերժական-միշտ, հավետ

ժայռ-քարե զանգված, ապառաժ/ քարքարոտ սար

մտախոհ-մտազբաղ, մտքերի մեջ ընկած

մռայլ- տխուր, մութ

շաչել-սուլոցի նման ձանյ հանել

2. Դուրս գրի՛ր փոխաբերություններն ու համեմատությունները: Վերլուծի՛ր:

քարերի գլուխ- քարերի վերին, բարձր հատված

փրփուրը բերնին- փրփրած

պառաված ձայն -ծեր ձայն

ծերուկ անտառ – հին, դարավոր անտառ

բնության զվարթ համերգ- գետակի ձայնը և անտառի արձագանքը միասին

Ժայռը մտախոհ- ժայռը նման է լուռ մտածողի

մռայլ մտքի ետևից ընկած – մտածկոտ, տխուր մտքերի մեջ ընկած

Ինչպես ծերունին, ձենով պառաված,
Ձայնակցում է ժիր թոռնիկի երգին,
Այնպես է ծերուկ անտառը կամաց
Արձագանք տալի ջրի աղմուկին:

3. Առանձնացրո՛ւ քեզ համար ամենատվապորիչ հատվածը և հիմնավորի՛ր ընտրությունդ:

Վըտակը ժայռից ներքև է թըռչում,
Թափ առած ընկնում քարերի գըլխին,
Զարկում ավազին, շաչում է, ճըչում,
Ճըչում անհանգիստ, փըրփուրը բերնին:

Ինձ դուր է եկել , թե Թումանյանը ինչպես է նկարագրում վտակին: Թե ինչպես է վտակը ժայռերի վրայով հոսում դեպի ներքև, խփում ավազին, փրփրում և իրեն բնորոշ ձայն հանում:

4.  Բնորոշի՛ր բանաստեղծության հերոսներին.

• ըստ բանաստեղծության

վտակ-փրփրոտ, աղմկոտ

անտառ-ծեր

ժայռ-մտախոհ, մռայլ

 ըստ քո բնորոշման

վտակ-ջրառատ, պղտոր

անտառ-մութ, խիտ

ժայռ-քարքարոտ, մամռածածկ

5. Ազատ շարադրանքի միջոցով վերապատմի՛ր բանաստեղծությունը և նկարի՛ր:

Վտակը, քարերի վրայով թռչելով, հոսում է դեպի ներքև: Խփվում է ավազին և փրփրում: Ինչպես ծերունին ծեր ձայնով երգում է իր թոռնիկի հետ, այնպես էլ անտառը արձագանքում է վտակին: Իսկ մտախոհ և մռայլ ժայռը ունկնդրում է նրանց:

6. Բանաստեղծությունից առանձնացրո՛ւ այնպիսի նախադասություններ, որոնք հարցական նշանի գործածությամբ կարող են հարցական դառնալ:

7. Ընտրածդ նախադասությունների մեջ, հարցական նշանի տեղը փոփոխելով, նոր նախադասություններ կառուցի՛ր:

8. Բանաստեղծությունից դուրս գրի՛ր գաղտնավանկի ,,ը,, ունեցող բառերը և վանկատի՛ր:

9. Դուրս գրի՛ր գրությամբ ու արտասանությամբ տարբերվող բառերը և ընդգծի՛ր / առանձնացրո՛ւ/ փոփոխության ենթարկվող հնչյունը:

8. Անգիր սովորի՛ր բանաստեղծությունը, ձայնագրի՛ր արտասանությունդ և հրապարկի՛ր բլոգումդ։