Արարատը հանգած հրաբուխ է, որը գտնվումն է Թուրքիայում, Արաքս գետի աջ ափին, Հայաստանի սահմանից 32 կմ հեռավորության վրա։ Ունի երկու գագաթ՝ մեծ (Մասիս՝ 5165 մ) և փոքր (Սիս՝ 3925 մ)։ Արարատի լեռնային զանգվածն ունի շուրջ 40 կմ տրամագիծ։ Հայկական լեռնաշխարհի և Թուրքիայի ամենաբարձր լեռն է։ Արարատի անվանումը ծագել է Վանի թագավորության հին եբրայերեն անվանումից։ Լեռան հայերեն ավանդական անվանումը Մասիս է։ Արարատ լեռը Հայաստանի կարևոր ազգային խորհրդանիշներից է և համարվում է «սուրբ լեռ»։
